Saturday, March 21, 2009

Krisis at Panunupil ng Gobyerno

Nangigigill ang gobyerno na mabigyan diumano ng katarungan o hustisya ang pagpatay kina Bobby Daser at ng kanyang driver, habang ang mahigit 900 biktima ng extra judicial killing (EJK) sa pamamagitan kanyang pambansang polisiyang paninikil ay nanatiling istadistika lamang. Ang nais ng Gubyerno ay managot ang diumanoy sangkot na malalaking taong siyang gumawa at utak ng pagpatay kina Daser, ang mga taong karibal nila din sa kapangyarihan na mariin nila rin kritiko, hindi para maparusan sa pagkakasala kundi gantihan ang mga sa ito sa kanilang mga ibinubunyag na katiwalian sa pamahalaan. Ito ang kalakarang ipinatutupad ng gubyerno, paano sila mananawagan ng pagkakaisa para diumano makaahon ang bansa sa kahirapan, laganap ang katiwalian at sa kurapsyon. Habang walang ginagawa ang mga ito lalong lalo na sa mga biktima ng EJK at nagpapatuloy na panunupil sa pamamagitan pagpatay, pananakot at pagkakaso tulad sa mga ginawa sa lider ng iba't ibang progresibong samahan na siyang mariing kumokondina sa kanyang administrasyon sa mga katiwalian at sa kanyang patakarang panunupil. 

Papalapit na naman ang halalalan dumarami na naman ang mga diumano’y nagmamalasakit na mga pinuno ng ating bayan, ito ang mga pinuno hindi para makatulong kundi magbalat-kayo para sila'y makilala at iboto sa darating na halalan. Ang sabi ang eleksyon daw ay isang porma ng demokrasya na ating tinatamasa, kaya naman habang nabubulok ang ganitong sistema dahil sa laganap na dayaan at karahasan nais muli ngayon pabanguhin at maiwasan ang pagtatakwil ng mamamayan sa eleksyon. Gumawa ang gubyerno ng panibagong panlilinlang, para daw maiwasan ang dayaan, nagpanukala na gawing automated ang darating na halalal 2010. 

Hindi ako naniniwalang mawawala ang dayaan walang pinag-iba yan sa mga trapong politiko na laging paulit-ulit na nangangako na di umanoy maglilingkod sa ating interes, ito kalimitang makikita sa panahon o habang nangangampanyan pero pagkatapos na makaupo ay magnanakaw din pala sa taong bayan. Mababawasan lamang pero hindi mawawala ang dayaan at tiyak na sa umpisa ay pag-aaralan palang nila ito bagong proseso habang bago. Hindi lang naman sa porma ng pagboto nakikita ang dayaan. Ano nga ba ang dayaan sa eleksyon? at maiituring nga bang demokrasya ang eleksyon? Marami porma ang dayaan sa eleksyo tulad ng pagboto, sa pagpili ng iboboto at propaganda ng politiko at kung sino mga ba ang botante at iboboto at papel nito sa pagitan ng dalawa, dito umiikot ang dayaan. Sa usapin ng demokrasya, oo nga’t malaya tayo makapili sa iboboto ang tanong nandun po ba sa nakahanay ang ating pipiliin ang ating iboboto at sino lang ba pwedeng tumakbo, kun baga wala kanang choice kundi pumili ng lang sa ano ang nariyan, sa karanasan po natin halos 100% ang politiko ay mayayaman o may kaya ang na siyang nakakatakbo lalo na sa mataas na posisyon kaya masasabi nating walang dito ang demokrasya dahil binibigyan man tayo ng kalayaan na tumakbo ang sinuman, subalit wala sa ating kapasidad at kinasanayan. 

Ang ikinakatwiran ng iba ay kultura na daw natin ito at ito na ang kalakaran, kultura ba natin ang pa-uto o paloko sa kanila, kultura ng pagiging sunod-sunuran kaya naman kapag nikawan tayo wala tayong magawa dahil sa kultura natin, alam nyo, yan ang gustong gusto ng mga mayayaman na may hawak ng kapangyarihan na makapanatili ito, kahit pa nga itong ilan sa mga nasa oposisyon na kunwari panig sa maliliit at bumabanat laban sa nakaupo pero makikita naman natin pag sila na ang nakaupo.

Ang eleksyon ay isang makinarya ng sistema para panatilihin ang sistemang api ang mas malawak na mamamayan at nanagasa ang iilan tulad ng mayayaman at mga dayuhan. Hindi ang eleksyon at ang sa pamamagitan ng papipili sa taong manununo isinusubo sa atin ng kasalukuyang sistema ang makasasagot sa krisis na kinakaharap ng mamamayang Pilipino. Ang tunay na makakasagot sa krisis na ito ay pagkakaroon ng pambansang kasarilan sa pamamagitan ng bansang umiiral ang nagsasrili pagpapatakbo sa pagsusulong ng pambansang idustriyalisasyon at pagpapalit ng maling patakaran, polisya ng pamahalaan at ang pagigit ng mas malawak na mamamayan na maisulong ito para sa tunay na pagbabago.

Arman Albarillo
Marso 22, 2009